ငတုံးငတိတို့  ပြောတဲ့ မြန်မာ့ဘောလုံး ( ၃ )

တစ်နေ့ သ၌ ကျွန်ုပ်ငတိနှင့်ငတုံးတို့ သည် လွန်စွာ တိတ်ဆိတ်၍ ဆူညံသံကင်းသည့်  လောက၏ ဆိတ်ငြိမ်မှု အရှိဆုံးနေရာ တစ်ခုဝယ် တွေ့ ဆုံဖြစ်ကြလေ၏ ။ ထိုနေရာသည်ကား လေးဘက်လေးတန်သော လင်းအားကောင်း မီးမောင်းကြီးများနှင့် လှပသေသပ်သော ထိုင်ခုံသစ်များ မွမ်းမံ ထားသည့် ရန်ကုန်မြို့ ၏ ကျက်သရေဆောင် နေရာတစ်ခု ၊  ပရိသတ် ၇သောင်းထိ ၀င်ဆံ့တော့မည် ဟူသော မခို့ တရို့  အိမ်မက်များ ပျက်ပြယ် ခဲ့ရသည့်နေရာ ။ ထိုနေရာသည် ယခု အဘယ်ကြောင့် တိတ်ဆိတ်မှု အရှိဆုံးဖြစ်ရပါသနည်း ။ အကြောင်းမှာမူ ယနေ့ ညနေ ကစားမည့် ပွဲစဉ်မှာ အသင်းကြီးများ မဟုတ်ကြလေသော ဆောက်သမ်း – ချင်း ယူနိုက်တက်တို့  ဖြစ်လေသောကြောင့်ပေတည်း ။

မှန်ပေ၏ ။ သုဝဏကွင်းကြီးသည် တစ်ခါတစ်ရံ ကွင်းပြိုကျလုမတတ် ပရိသတ်များ လာရောက်အားပေးရာ ဘောလုံးကွင်းကြီးဖြစ် သလို တစ်ခါ တစ်ရံလည်း ကွင်းထဲမှာ လူ အယောက် တစ်ရာလောက်ပင် မပြည့်အောင် လူဝင် ကျဲပါးလှပေ၏ ။ ယနေ့ တွင် မြန်မာ့ဘောလုံး မီဒီယာသမားတို့သည်လည်း သူတို့ ၏ ဘူမိနတ်သန် နေရာမှန်ဖြစ်သော မီဒီယာများသီးသန့် ကြည့်ရှုရာနေရာတွင် မကြည့်ရှုပဲ ပွဲကြည့်စင်တွင်း ၀င်ရောက် ကြည့်ရှုနေသည်ကို တွေ့ ရပေသည် ။ အကြောင်းမူကား သူတို့ ၏ သတ်မှတ်နေ၇ာတွင် တည်ရှိကုန်သော သစ်သားထိုင်ခုံများမှာ ဟောင်းနွမ်း၍ အသစ်မလဲရသေးသောကြောင့် ဖြစ်ဟန်တူပေ၏ ။

ယနေ့ ဆွေး နွေးပွဲကားစချေပြီ . ။

ငတုံး  ။      ။  ဘယ်လိုလဲ ကိုယ့်လူ ခုတလော ဘာသတင်းတွေ များကြားသေး လဲဗျ ။

ငတိ   ။      ။  သတင်းတွေ ကတော့ အကုန် အကောင်းချည်း ပါပဲဗျ ။ အဓိက စိတ်ဝင် စားစရာကောင်း တဲ့ သတင်းက နောက်တစ်ပတ် ကန်မယ့်  ရတနာပုံ- ရန်ကုန် ပွဲစဉ်မှာ အိမ်ရှင် ရတနာပုံ ပရိသတ် http://yadanarbonfans.com/community/ တွေနဲ့  Yangon United Warriors အဖွဲ့ က ရန်ကုန် ပရိသတ်တွေ ချစ်ကြည် ရင်းနှီးစွာ တွေ့ ဆုံ ကြမယ် ဆိုတဲ့ သတင်း ပဲဗျာ ။

ငတုံး ။      ။ ဟုတ်လား ဗျ ။ ရန်ကုန်နဲ့ ရတနာပုံက MNL စတင် ကတည်းက မဟာပြိုင် ဘက်တွေ မဟုတ် လားဗျ ကိုယ့်လူရ ။ သူတို့ အချင်းချင်း ချစ်ကြည်ရေး ကိစ္စ ဖြစ်မြောက်တယ်ဆိုတော့ အံ့သြ စရာပါ လားဗျာ ။

ငတိ ။       ။  အော် ဒါများ ဆရာရယ် ပြိုင်ဘက် ဆိုတာ ရန်သူမှ မဟုတ်ကြ ပဲဗျာ ။ ယှဉ်ပြိုင် မှုမှာ အနိုင်အရှုံး ရှိတယ် ဆိုတာ လက်ခံရ မှာပေါ့ဗျာ ။ နောက်ပြီး ပရိသတ်ချင်း ညီညွတ် မျှတစွာ အားပေးဖို့ ဆိုတာ တကယ်ကို အရေးကြီး တဲ့ အချက် ပဲလေ ။ ကျွန်တော် တို့  MNL ပြိုင်ပွဲတွေ မှာ ပရိသတ်ချင်း သင့်မြတ်ဖို့ ဆိုတာ အရမ်း လိုအပ်နေတဲ့ လိုအပ်ချက် တစ်ခု မဟုတ်လားဗျာ ။ အခုလို ပရိသတ် အဖွဲ့ တွေ အချင်းချင်း ချစ်ကြည်မှု ကနေ ပရိသတ် အားလုံး ချစ်ကြည်ရေး ဆီကို ဦးတည် လုပ်ဆောင်သွား ရမှာပေါ့ ဗျာ ။

ငတုံး ။       ။ ဘယ်လိုတွေ့ ဆုံကြမှလဲဆိုတာ ပြောပြပါဦးဗျ ။

ငတိ  ။       ။ YGNUTD warriors အဖွဲ့  က ရတနာပုံ – ရန်ကုန် ပွဲစဉ်ကို သွားရောက်အားပေးတဲ့အခါ ရတနာပုံပရိသတ်တွေက ကြိုဆိုတွေ့ ဆုံ မယ် ပေါ့ဗျာ ။ ဒါက အခုမှ စလုပ်တဲ့ချစ်ကြည်ရေးတော့မဟုတ်ဘူးကိုယ့်လူရ ။ ရန်ကုန်မှာ ကစားသွားတဲ့ ရန်ကုန် – ရတနာပုံပွဲက အစပျိုးခဲ့တယ်လို့  ပြောရမယ် ။YGNUTD warriors အဖွဲ့  က  www.ygnutdfans.com  ဆိုတာ စတင်တည်ထောင်တော့ ရတနာပုံပရိသတ်တွေ ၀င်ရောက်လည်ပတ်လာကြတယ်ဗျ ။ warriors အဖွဲ့ ကလည်း စတင်တည်ထောင်ကတည်းက MNL ပရိသတ်အားလုံးနဲ့   ညီညွတ်မှုရအောင် ကြိုးစားမယ်ဆိုတဲ့ ရည်ရွယ်ချက်ရှိခဲ့တော့  ရတနာပုံပရိသတ်တွေနဲ့  ကောင်းမွန်တဲ့ ဆက်ဆံရေးကို ဖေါ်ဆောင်နိုင်ခဲ့ကြတယ်ဗျာ ။ အဲဒီနောက် ရန်ကုန် – ရတနာပုံ ထိပ်တိုက်တွေ့ တဲ့  ပထမအကျော့ပွဲစဉ်မှာ ပထမပိုင်းအပီးမှာ warriors အဖွဲ့ က ရတနာပုံပရိသတ်တွေကို သွားရောက်တွေ့ ဆုံ နှုတ်ဆက်ခဲ့ကြတယ်ဗျာ ။ အဲဒီနောက် ရန်ကုန် – ဇေယျာရွှေမြေပွဲစဉ် အားပေးဖို့  warriors အဖွဲ့ တွေ မုံရွာသွားတောလည့်း မန္တလေးမှာတစ်ထောက်နားပီး ရတနာပုံပရိသတ်တွေနဲ့  တွေ့ ဆုံခဲ့ကြတယ်ဗျ ။  အခုတစ်ကြိမ်နဲ့ဆိုရင်တော့ ၃ကြိမ်မြောက်တွေ့ ဆုံမှုလို့ ပြော ရမယ်ဆရာရေ ။

ငတုံး ။       ။  အစီအစဉ်ကတော့ ကောင်းပါတယ်ဗျာ ။ တစ်ခုပဲ အိမ်ရှင် ရှုံးရင် အဆင်ပြေပါ့မလားဗျ ဆရာရ ဟဲဟဲ ။

ငတိ  ။       ။ အော် ကိုယ့်လူရယ် ရှုံးတာနိုင်တာ ဘာမဆိုဖြစ်နိုင်တာပေါ့ဗျာ ။ ရတနာပုံအသင်းဆို ရန်ကုန်ကွင်းမှာ ရန်ကုန်ပရိသတ်တွေ ရှေ့ မှာ ရန်ကုန်နဲ့ကန်ပီး ဖလားယူသွားတာ ၂ကြိမ်တောင်ရှိတယ်လေ။

ငတုံး ။       ။ ဘယ်လိုဗျ ။ တစ်ကြိမ်မဟုတ်ဘူးလား ။ ဗိုလ်လုပွဲတုန်းကလေ ။

ငတိ  ။       ။  ဘယ်ကလာဗျာ ။ ဒုတိယအကြိမ်ပြိုင်ပွဲတုန်းကလည်း ဒီလိုပဲဗျ ။ ရတနာပုံက နောက်ဆုံးပွဲမကန်ခင်ကတည်းက ချန်ပီယံဖြစ်နေဘီ ။ အဲဒါကိုဗျာ  ရန်ကုန်နဲ့နောက်ဆုံးပွဲစဉ်မှာကျမှ ဖလားပေးတယ်လေ ။ ရန်ကုန်က အဲဒီနောက်ဆုံးပွဲမှာ နိုင်လိုက်တယ် ။ နိုင်ပီးတော့ ပွဲအပြီးမှာ ရတနာပုံကို ရနကုန်ပရိသတ်တွေ ရှေ့ မှ ဆုဖလားပေးခဲ့တာဗျ ။ ရန်ကုန်ပရိသတ်အချို့  တော်တော်ပေါက်ကွဲခဲ့တာပေါ့ဗျာ ။ အဲဒီတုန်းက ရန်ကုန် – ရတနာပုံ ၂သင်းက အပြင်းထန်ဆုံးပြိုင်ဘက်တွေ ဖြစ်နေတာသိရက်နဲ့  အဲ့ဒီလို စီစဉ်ခဲ့တဲ့ ဘောလုံးအဖွဲ့ ချုပ်ကိုတော့ တော်တော်လေးစိတ်ပျက်မိတယ်ဗျာ ။  တကယ်ဆိုဖြစ်သင့်တာက ပွဲစဉ်တစ်ခုနိုင်လို့ အသင်းတစ်သင်းက ချန်ပီယံဖြစ်နိုင်ဘီဆိုရင် အဲဒီပွဲစဉ်မှာ ဆုဖလားကို အဆင်သင့်ထားပီး တစ်ခါတည်းပေးလိုက်ရမှာမဟုတ်လားဗျာ ။ ဒါမှမဟုတ် ချန်ပီယံဖြစ်တဲ့အသင်းကို သူ့ အိမ်ကွင်း သူ့ ပရိသတ်တွေရှေ့ မှောက်မှာ ဆုဖလားပေးရမှာမဟုတ်လားဗျာ ။

ငတုံး  ။       ။ ဒါကတော့ဗျာ ရန်ကုန်ဆိုတာ အိမ်ကွင်းမဟုတ်တဲ့  အိမ်ကွင်းအမည်ခံကွင်းမှာ ကန်နေရတာကိုးဗျာ ။

ငတိ ။         ။ ဘာကိုဆိုလိုတာလဲဗျ ဆရာရ ။

ငတုံး ။       ။   ဒီတစ်ခါတော့ ခင်ဗျား ဝေးသွားပီကိုယ့်လူ ။ ခင်ဗျားစဉ်းစားကြည့်လေ သုဝဏကွင်းမှာ ပွဲကြည့်စင်ကို ၂ဘက်အသင်းတွေအတွက် တစ်ဝက်စီ နေရာချထားတယ် ။ ပရိသတ်နည်းတဲ့  အသင်းတွေနဲ့  ရန်ကုန်နဲ့ ကန်လည်း ပြိုင်ဘက်အသင်းကို ကွင်းတစ်ဝက် နေရာပေးတာမဟုတ်လားဗျ ။ အဲဒါမျိုး ခင်ဗျား ဘယ်ကွင်းမှာမှ တွေ့ ရမှာမဟုတ်ဘူးလေ။

ငတိ  ။        ။ ဒါတော့မှန်တယ်ဗျာ ။ ဘယ်လိုပဲဖြစ်ဖြစ် ရတနာပုံနဲ့ကန်မယ့် ပွဲစဉ်ကို သွားကြည့်မယ့် ရန်ကုန်ပရိသတ်တွေအနေနဲ့  သိထားသင့်တာကတော့ ရန်ကုန်- ရတနာပုံ ချစ်ကြည်ရေး ဆိုတာ အခုမှ ဖြစ်လာတာလေ ။ မဟာပြိုင်ဘက်တွေအဖြစ် ရပ်တည်ခဲ့ကြတာက ၂၀၀၉ ခုနှစ်ကတည်းကဆိုတော့ဗျာ ပရိသတ်တွေအားလုံး မျှတညီညွတ်ဖို့ ဆိုတာကတော့ အချိန်ယူတည်ဆောက်ရမယ့် အခြေအနေ ပဲ ဆိုတာပေါ့ ။ ဘာအကြောင်းကြောင့်မှ ရင်းနှီးချစ်ကြည်မှု မပျက်စီးဖို့ တော့ အခုချိန်မှာ အားလုံးက ရည်ရွယ် ထားကြ တယ်လေ ။  facebook မှာလည်း  We Love MNL ဆိုတဲ့  group မှာ အားလုံးဝိုင်းဝန်း တိုင်ပင်နေကြတာတွေလည်း တွေ့ ရပါတယ်ဗျာ ။

ငတုံး ။        ။ ဒါပေါ့ဗျာ ။ ခုရေတွင်းတူး ခုရေကြည်သောက်လို့ တော့ ဘယ်ရမလဲဗျာ ။ ဒီလိုပဲ ဖန်အဖွဲ့ချစ်း ချစ်ကြည်မှုခိုင်မြဲအောင်လုပ် ။ ပီးတော့မှ တဖြည်းဖြည်း ကျယ်ပြန့်အောင် လုပ်ဆောင်သွားကြရမှာပေါ့ဗျာ ။ ကျွန်တော်တော့ ဒီသတင်းကိုကြားပီး အရမ်းစိတ်ချမ်းသာသွားဘီ ကိုယ့်လူရေ ။

ငတိ ။          ။ နောက်ထပ် ၀မ်းသာစရာသတင်းတစ်ခုရှိသေးတယ်ဗျ ။ အဲဒါက မြန်မာကစားသမားတွေရဲ့  profile တွေကို စာရွက်ပေါ်မှာတင်မဟုတ်ပဲ online ပေါ်မှာ အလွယ်တကူရှာလို့ ရအောင် လုပ်ဖို့  ဘောလုံးအဖွဲ့ ချုပ်က ကြိုးစားနေတယ်ဆိုတဲ့သတင်းဗျ ။

ငတုံး ။        ။  ဘယ်လိုလဲဗျ သေခြာပြောပြပါဦး .။

ငတိ  ။        ။ ဒီလိုဗျာ … online မှာ ခင်ဗျားကြိုက်တဲ့ ဘောလုံးသမားတစ်ယောက်ကို အလွယ်တစ်ကူရှာဖွေနိုင်မယ် ။ ဥပမာ – ကျော်ကိုကိုလို့  ခင်ဗျား စာရိုက်ရှာရင် သူ့ ရဲ့  အကြောင်း အကုန်ရှာလို့ ရမယ် ။ မွေးသက္ကရာဇ် ၊ မိဘအမည် ၊ ကစားခဲ့တဲ့ ကလပ်အသင်းတွေ စတဲ့ အသေးစိတ်အချက်အလက်တွေပေါ့ဗျာ ။

ငတုံး ။        ။ ဟုတ်လားဗျ ။ ဒီလိုဆိုတော့ မြန်မာဘောလုံးပရိသတ်တွေအတွက် ကိုယ်သိချင်တာကို လွယ်လွယ်ကူကူ ရှာနိုင်ဖွေနိုင်တော့မှပေါ့ဗျာ ။ ဒါနဲ့  အဲ့ဒီမှတ်တမ်းမှာလည်း ကျော်ကိုကိုက ၁၉နှစ်ပေါ့နော် ။

ငတိ ။         ။ ဟာဗျာ ။ ခင်ဗျားကတော့လုပ်ပီ ။ ဒီဟာပဲ ခဏခဏ မပြောစမ်းပါနဲ့ဗျာ ။ ခင်ဗျားတစ်ယောက်တည်း သိတဲ့ကိစ္စမဟုတ်ပါဘူးဗျ ။

ငတုံး  ။       ။ ဟုတ်ပါဘီဗျာ ။ ဟုတ်ပါဘီ ။ ဟော ဟိုမှ ကစားသမားတွေ ကွင်းထဲဝင်လာပီဗျ ။ ဘောလုံးပွဲလေး အေးအေးဆေးဆေး  ကြည့်ရအောင်ဗျာ ။ ရန်ကုန်ပွဲမဟုတ်တော့  ပရိသတ်နည်းတယ်ဗျာ ။ တကယ့်အေးအေးဆေးဆေး တိတ်တိတ်ဆိတ်ဆိတ်ပဲ ။

ငတိ ။        ။ အင်းဗျာ ။ အခုတော့ ဒီလိုပေါ့ ။ နောက်တော့လည်း တန်းဆင်းတန်းတက်စနစ်ကြောင့် တစ်ဖြည်းဖြည်း MNL ကြီး စည်ကားလာမှာပေါ့ဗျာ ။ မကြာခင်လည်း ဆောင်သမ်းမြန်မာ ၊ ဟံသာဝတီ ၊ ဧရာဝတီအသင်းတွေလည်း အိမ်ကွင်းတွေ လုပ်ကြတော့မယ်ကြားတယ်ဗျာ ။ မြန်မြန်လေးဖြစ်လာရင် ပိုစည်ကားလာမှာပါဗျာ ။

ကဲ ဒီတစ်ခေါက်တော့ ဒီလောက်ပါပဲ မြန်မာဘောလုံးပရိသတ်ကြီးရေ ……..

ရေးသားသူ - ကောင်းမြတ်သူ 

Myanmar Striker  www.myanmarstriker.com မှာ ကျွန်တော်ရေးသားခဲ့တဲ့ ဆောင်းပါးပါ ။

ဒီမှာ   ၀င်ရောက်ကြည့်ရှုနိုင်ပါတယ် ။