ရန်ကုန်နည်းပြချုပ် အီဗန်ကိုလက်ဗ် ပြောပြတဲ့ သူ့အတွေး၊ သူ့အမြင်

	မြန်မာ ဘောလုံး ပရိသတ်တွေ ကြားမှာ ယူ-၂၂ အသင်း အကြောင်း ပြောလို့ မ၀ခင်မှာပဲ တစ်လကျော် ရပ်နားထားတဲ့ မြန်မာ နေရှင်နယ်လိဂ် ပြိုင်ပွဲ ပြန်လည် စတင် ပါတော့မယ်။ ကလပ် အသင်းတွေ အားလုံးဟာ လေ့ကျင့် ပြင်ဆင်မှု တွေကို ပုံစံ အမျိုးမျိုးနဲ့ လုပ်နေကြပြီး နည်းပြ အပြောင်းအလဲ လုပ်ထားတဲ့ လက်ရှိ ချန်ပီယံ ရန်ကုန် ယူနိုက်တက် ကလည်း လေ့ကျင့်ခန်း တွေကို အရှိန်အဟုန်နဲ့ ပြုလုပ်နေ ပါတယ်။ ဒုတိယ အကျော့ အစပိုင်းမှာ ကစားခဲ့တဲ့ ကစားကွက်နဲ့ မကြာခင် ရောက်လာတော့မယ့် ဘောလုံး ပွဲတွေမှာ ကစားမယ့် ကစားကွက် ပြောင်းလဲ ကွာခြား သွားနိုင်တယ်လို့ သတင်းတွေ ထွက်နေပါတယ်။ ဒါကြောင့် ရန်ကုန် အသင်းရဲ့ နည်းပြချုပ် အီဗန်ကိုလက်ဗ်နဲ့ တွေ့ဆုံပြီး ဘယ်လို ကစားကွက်တွေ ပြင်ဆင် ထားတယ်၊ ဘယ်လို ရည်မှန်းချက်ထိ မျှော်မှန်းထားတယ် ဆိုတဲ့ အကြောင်းကို တွေ့ဆုံ မေးမြန်းခဲ့ ပါတယ်။ မေး - မင်္ဂလာပါ အီဗန်ရေ။ အခုဆိုရင် ရန်ကုန် အသင်း ရောက်တာ တစ်လ ကျော်သွားပြီနော်။ ဒီတစ်လ အတွင်း ရန်ကုန် အသင်းနဲ့ မြန်မာ ဘောလုံး လောကကို ဘာတွေများ လေ့လာ ပြီးပြီးလဲ။ ဖြေ - ဒီကာလ အတွင်း ဘောလုံးပွဲတွေ၊ ဘောလုံးပွဲ အခွေတွေ အများကြီး ကြည့်ဖြစ်တယ်။ မြန်မာ ယူ-၂၂ ခြေစစ်ပွဲလည်း ကြည့်ဖြစ်တယ်။ မြန်မာ အသင်းတွေရဲ့ ကစားကွက်နဲ့ သူတို့ရဲ့ တိုက်စစ် ပုံစံကို အဓိကထား လေ့လာခဲ့တယ်။ ဒီနိုင်ငံမှာ မြန်မာ နေရှင်နယ်လိဂ် ပြီးရင် လူငယ် ပြိုင်ပွဲ (အရန်အသင်းများ ပြိုင်ပွဲ) ရှိနေတာ အရမ်း ကောင်းပါတယ်။ အများကြီး မသိတာတောင် ရန်ကုန် အသင်း အကြောင်းကိုတော့ တော်တော်လေး သိနေပြီလို့ ဆိုနိုင်တယ်။ မေး - ရန်ကုန် အသင်း အကြောင်းကို သိလို့ အရင်နည်းပြ သုံးခဲ့တဲ့ (၄-၄-၂) ကနေ (၄-၃-၃) ကို ပြောင်းဖို့ ဆုံးဖြတ်ခဲ့တာလား။ ဖြေ - ရန်ကုန် အသင်း ကစားနေတဲ့ အခု ကစားကွက်က (၄-၃-၃)လုိ့ တစ်ထစ်ချ ပြောလို့ မရဘူး။ အမျိုးမျိုး ပြောင်းနိုင်တဲ့ အနေအထား ရှိတယ်။ တစ်ခါ တစ်လေမှာ (၄-၄-၂)၊ (၄-၅-၁)နဲ့ (၄-၃-၃) ကို လိုသလို ပြောင်းနိုင်တယ်။ ဒါပေမယ့် ဒီ ကစားကွက် ကတော့ အရင် ကစားကွက်နဲ့ ယှဉ်မယ် ဆိုရင် ခွန်အား နည်းနည်း ပိုသုံးရတယ်။ မေး - ဒီနိုင်ငံက ကစားသမားတွေနဲ့ ဥရောပ ကစားသမားတွေ ဘာကွာတယ်လို့ ပြောနိုင်လဲ။ ဖြေ - ကွာခြားချက်က အများကြီး ရှိတယ်။ အသိသာဆုံးက ကြံ့ခိုင်မှုပဲ။ ဥရောပမှာ တစ်နေ့ကို သုံးကြိမ် လေ့ကျင့်ခန်း ဆင်းရတယ်။ ဘောလုံးကွင်းကို ၁၅ ပတ် ပြေးရတယ်။ ဘယ်သူမှ စောဒက တက်မယ့်လူ မရှိဘူး။ ဒီမှာတော့ ၈ ကြိမ်ပဲ ပြေးရတယ်။ ပြီးတော့ ကျွန်တော်တို့က ဘောလုံးကွင်းထဲမှာ မီတာ ၈၀၊ မီတာ ၄၀၊ မီတာ ၈၀၊ မီတာ ၄၀ ဆိုပြီး အမြန်ပြေးခိုင်း တာတွေ ရှိတယ်။ ကစားသမားတွေ ကိုယ်တိုင်လည်း ဒီလေ့ကျင့်ခန်း တွေကို စိတ်ပါလက်ပါ လုပ်ဖို့ အရေးကြီးတယ်။ သူတို့ဟာ ပရော်ဖက်ရှင်နယ်တွေ ဖြစ်ပြီး ချုပ်ထားတဲ့ စာချုပ်တွေကို လေးစားဖို့ လိုအပ်တယ်။ မေး - လက်ရှိ အချိန်မှာ ရန်ကုန်က အဆင့်(၃) နေရာမှာ ရပ်တည်နေတယ်။ အဆင့် (၁) ရောက်ဖို့ ဘာတွေ လိုတယ်လို့ ထင်လဲ။ ဖြေ - ရန်ကုန် အသင်းဟာ ကစားသမားကောင်း အတော် များများကို ပိုင်ဆိုင် ထားပါတယ်။ အဲဒါ အားသာချက်ပါ။ ဒီအချက်ကို အသုံးချပြီး နံပတ်(၁) နေရာကို အရယူ ရမယ်။ မြန်မာ နိုင်ငံကို စရောက်ပြီး ဇေယျာရွှေမြေနဲ့ ကစားတဲ့ ပွဲကို ကြည့်ဖြစ်တယ်။ အဲဒီပွဲမှာ ရန်ကုန် အသင်းသာ ဂိုးစောစော မရခဲ့ဘူး ဆိုရင် ဘာဖြစ်မယ် ထင်လဲ။ ဇေယျာရွှေမြေ အသင်းရဲ့ တစ်ချိန်လုံး နီးပါး တိုက်စစ်ဆင် တာကို ခံနေရတယ်။ အဲဒါဟာ ရာသီဥတုကြောင့် မဟုတ်ဘူး။ ကြံ့ခိုင်မှု ကြောင့်ပဲ။ အသင်း ကစားသမားတွေ အားလုံးသာ ပွဲချိန်ပြည့် ဒေါင်ဒေါင်မြည် မယ်ဆိုရင် ဘယ်အသင်းကိုမှ မှုစရာ မလိုဘူး။ နောက်တစ်ချက်က ကစားကွက်။ ရန်ကုန် အသင်း သုံးနေတဲ့ (၄-၄-၂) ဒိုင်းမွန်းဟာ ပြိုင်ဘက် ဂိုးဧရိယာ ထဲမှာ ခြိမ်းခြောက် နိုင်တဲ့ ကစားသမား နှစ်ဦး၊ သုံးဦးပဲ ရှိတယ်။ အဲဒီ ကစားကွက်က ခံစစ် အသားပေး ဆိုရင်လည်း ပြောလို့ရတယ်။ အခု ပြောင်းနေတဲ့ (၄-၃-၃) အခြေခံ ကတော့ တိုက်စစ်ကို အရမ်း ဦးစားပေးတယ်။ တောင်ပံ ကစားသမားတွေက ဧရိယာထဲထိ ဆွဲဝင်လာလို့ ရပြီး ပြိုင်ဘက် အသင်းကို ခြိမ်းခြောက်လို့ ရတယ်။ အသင်းမှာ ဒီကစားကွက်ကို လိုက် ကစားနိုင်တဲ့ ကစားသမားတွေ ရှိနေပါလျက်နဲ့ မသုံးဖူး ဆိုရင် ကျွန်တော်တို့ ညံ့ရာ ကျမှာပေါ့။ မေး - အာရှနိုင်ငံ တွေနဲ့ တစ်ခြား ဘောလုံး ဖွံ့ဖြိုးပြီးသား နိုင်ငံတွေ ကြားက ကွာဟမှုကို ပြောပြနိုင် မလား။ ဖြေ - ဒီနိုင်ငံနဲ့ အင်ဒိုနီးရှားကို အရင်ဆုံး နှိုင်းယှဉ် ကြည့်ရအောင်။ မြန်မာ နေရှင်နယ်လိဂ်မှာ နိုင်ငံခြားသား ၃ ယောက် ကစားခွင့် ရတယ်။ ဒါပေမယ့် အင်ဒိုမှာ ကျတော့ အာရှသား နှစ်ယောက် အပါအ၀င် ၅ ယောက် တစ်ပြိုင်တည်း ကစားလို့ ရတယ်။ နိုင်ငံခြားသား များများ ပါတာဟာ တိုင်းရင်းသား ဘောလုံး သမားတွေ အတွက် ကောင်းတာတွေ ရှိသလို၊ ဆိုးတာတွေလည်း ရှိတယ်။ ပရိသတ်က ပြိုင်ပွဲကို ပိုစိတ်ဝင်စား စေတာတော့ အမှန်ပဲ။ အာရှနိုင်ငံ အတော် များများမှာ ဘောလုံးကို အသက် ၁၀ နှစ်ကျော်မှ စ ကစားကြတယ်။ ဥရောပမှာ ဒီလို မဟုတ်ဘူး။ ကလေး တစ်ယောက်ကို အသက် ၇ နှစ် ကတည်းက ဘောလုံးနဲ့ သေသေချာချာ ထိတွေ့ပေးတယ်။ အသက် ၁၈ နှစ် ရောက်တဲ့ အချိန်မှာ အဲဒီ ကစားဟာ ဘောလုံးနဲ့ ထိတွေ့ချိန် (ကြိုတင် ပြင်ဆင်ချိန်) ၁၁ နှစ် ရနေတယ်။ ဒီမှာကျတော့ အသက် ၁၀ နှစ် ကျော်တာတောင် သေသေချာချာ လေ့ကျင့် ပေမးယ့်သူ မရှိဘူး ဖြစ်နေတယ်။ အာဂျင်တီးနား၊ ဘရာဇီးနဲ့ လက်တင် အမေရိက နိုင်ငံတွေမှာ ငယ်စဉ် ကတည်းက ဘောလုံးကို စီးပွားရေး တစ်ခုလို စောက်ချ လုပ်တာကြောင့် အရမ်း အောင်မြင်တယ်။ လူငယ် ဘောလုံးသမား အထွက်နှုန်းမှာ ဘရာဇီးက နံပါတ် (၁) ဆိုပေမယ့် လူဦးရေ အချိုး ချမယ်ဆိုရင် အာဂျင်တီးနားက တကယ့် နံပါတ်(၁)ပဲ။ ဘိုကာဂျူနီယာဟာ ကမ္ဘာ့ အကောင်းဆုံး လူငယ် ကစားသမား တွေကို မွေးထုတ် ပေးနိုင်တဲ့ နေရာလို့ ယုံတယ်။ မေး- နောက်ဆုံး မေးခွန်း အနေနဲ့ မြန်မာ နေရှင်နယ်လိဂ် ဒီထက်ပို အောင်မြင်အောင် ဘယ်လို လုပ်သင့်တယ်လို့ ထင်လဲ။ ဖြေ - ဒီနိုင်ငံ ရောက်တာ တစ်လကျော်ပဲ ရှိပါသေးတယ်။ ဒါကြောင့် အကြံပေးတယ်လို့ ပြောရမှာ ခက်ပါတယ်။ အမြင်ကို ပြောရရင်တော့ မဖြစ်မနေ လုပ်ရမယ့် အချက် တစ်ချက် ရှိပါတယ်။ အဲဒါက ကလပ် အသင်းတိုင်းဟာ ဘောလုံး အသင်း ၄ သင်း ရှိကို ရှိသင့်တဲ့ အချက်ပါပဲ။ ပြိုင်ပွဲဝင်မယ့် အသင်း ၂ သင်း (စီနီယာ အသင်းနဲ့ အရန် အသင်း)၊ ပြိုင်ပွဲဝင်မယ့် အသင်းတွေကို ပံ့ပိုး ပေးရမယ့် အသင်း ၂ သင်း ( ယူ-၁၈ အသင်းနဲ့ ယူ-၁၆ အသင်း)ဆိုပြီး ၄ သင်း ရှိသင့်တယ်။ နောက်ဆုံး မတတ်နိုင် လွန်းလို့ ဖြစ်မယ် ဆိုရင်တောင် ၃ သင်းတော့ ထားရမယ်။ ပြိုင်ပွဲကိုလည်း လူငယ် ပြိုင်ပွဲ၊ အရန် အသင်း ပြိုင်ပွဲနဲ့ စီနီယာ အသင်း ပြိင်ပွဲ ဆိုပြီး ပြိုင်ပွဲ ၃ ခု တစ်ပြိုင်တည်း လုပ်နိုင်ရင် ပိုကောင်းတယ်။ ဘောလုံး ကစားတဲ့သူ ပိုများလာလေ အဲဒီ နိုင်ငံရဲ့ ဘောလုံး အဆင့်အတန်း မြင့်မားဖို့ ရာခိုင်နှုန်း များလေပဲ။ မြန်မာနိုင်ငံဟာ ဘောလုံးကို အားပေးတဲ့ နေရာမှာ အတော် အံ့သြစရာ ကောင်းအောင် များတယ်။ မြန်မာနဲ့ မလေးရှား ပွဲဆိုရင် ပရိသတ် အများကြီး လာကြည့်တယ်။ ဒါဟာ သိပ်ကောင်းတဲ့ အချက်ပဲ။ ဒီအချက်ကို ဆုပ်ကိုင်ထား နိုင်မယ် ဆိုရင် မြန်မာ ကလပ် အသင်းတွေရဲ့ အဆင့်အတန်း (မြန်မာ ဘောလုံး အဆင့်အတန်း) ပိုတိုးတက် လာမယ်လို့ ယုံကြည်တယ်။ www.ygnutd.com