 |
||
| ရန်ကုန်
ယူနိုက်တက် အသင်း နည်းပြချုပ် အီဗန်ကိုလက်ဗ်က လေ့ကျင့်ချိန် နည်းပါးခြင်း၊
ပွဲပယ် ကစားသမား များပြားခြင်းတို့ကြောင့် အခက်အခဲ ကြုံနေရသည်ဟု ရက္ခပူရ
အသင်းနှင့် မကစားမီ ထုတ်ဖော် ပြောကြားသည်။
ရန်ကုန် အသင်းသည် ပဏာမ မြန်မာ့ လက်ရွေးစင် အသင်းသို့ ကစားသမား (၉)ဦး
စေလွှတ်ခဲ့ရသည့် အပြင် အဓိက ကစားသမား (၄)ဦး ပွဲပယ် ခံထားရသဖြင့်
ရက္ခပူရနှင့် ကစားမည့် ပွဲတွင် မမျှော်လင့်သည့် အခက်အခဲများ
ကြုံလာနိုင်သည်ဟု နည်းပြ ကိုလက်ဗ်က ဆိုသည်။ “မြန်မာ့ လက်ရွေးစင် အသင်းအတွက် ကျွန်တော်တို့ ဆီက ကစားသမား (၉)ယောက် အရွေးခံရ တာကို ဂုဏ်ယူပါတယ်။ ဒါပေမယ့် သူတို့တွေကို လေ့ကျင့်ခန်း ဆင်းဖို့ လွှတ်ပေးထား ရတာကြောင့် ပူးတွဲ လေ့ကျင့်ချိန် နည်းနေပါတယ်။ ဒါတောင် ကျွန်တော်တို့ အသင်းက တနင်္လာနေ့ ကျမှ ကစားရမှာပါ။ နောက်တစ်ချက်က ပွဲပယ် ပြဿနာပါ။ ရာဇာဝင်းသိန်း၊ ကောင်းစည်သူ၊ ခင်မောင်လွင်နဲ့ နီကိုလာတို့ (၄)ယောက် စလုံး ရက္ခပူရနဲ့ ပွဲကို လွဲပါလိမ့်မယ်။ တချို့ ကစားသမားတွေ ကလည်း ဒဏ်ရာ ပြဿနာတွေ ရှိနေတယ်။ အကောင်းဆုံး ကစားသွားမှာ ဖြစ်ပေမယ့် လက်ရှိ အနေအထားက ကျေနပ်စရာ မဟုတ်ပါဘူး” ဟု နည်းပြချုပ်က ဆိုသည်။ ရက္ခပူရနှင့် ပွဲကို (၃)၀ါ တစ်ပွဲပယ် ပြစ်ဒဏ်ခံ ထားရသော ရာဇာဝင်းသိန်း၊ ကောင်းစည်သူ၊ ခင်မောင်လွင်တို့ အပြင် (၆)၀ါ (၂)ပွဲပယ် ခံထားရသည့် နီကိုလာပါ လွဲချော်မည် ဖြစ်သောကြောင့် အသင်း၏ (၁၈) ယောက် စာရင်းတွင် အပြောင်းအလဲ ရှိလာမည်ဟု မြန်မာ့ လက်ရွေးစင် အသင်း နည်းပြဟောင်း ကိုလက်ဗ်က ပြောကြားသည်။ “ကျွန်တော်တို့ အသင်းမှာ တခြား ရွေးစရာ ကစားသမား အများကြီး မရှိပါဘူး။ (၁၈)ယောက် စာရင်းမှာ လူငယ်တချို့ ပါဝင် လာပါလိမ့်မယ်။ ဘယ်သူတွေ (၁၈)ယောက် စာရင်းဝင်မယ်၊ ဘယ်သူတွေ ပွဲထွက်ခွင့် ရမယ် ဆိုတာကတော့ မပြောနိုင် သေးဘူး။ လက်ကျန် (၄)ပွဲပဲ ကျန်တဲ့ အချိန်မှာ အကောင်းဆုံး ကစားပြီး ချန်ပီယံဆုကို ထိန်းနိုင်ဖို့ ကြိုးစားသွားပါမယ်” ဟု ကိုလက်ဗ်က ဆိုသည်။ ဆက်လက်ပြီး ရန်ကုန် နည်းပြချုပ်က ရက္ခပူရ အသင်းသည် အသင်းကောင်း တစ်သင်းဖြစ်ကြောင်း၊ အထူးသဖြင့် ဒုတိယ အကျော့တွင် ခြေစွမ်း ပိုမိုကောင်းမွန်လာကြောင်းနှင့် ပွဲချိန်ပြည့် သတိထား ကစားသွားမည် ဖြစ်ကြောင်း ပြောကြားသည်။ ပဏာမ မြန်မာ့ လက်ရွေးစင် ကစားသမားများကို သြဂုတ်လ (၇)ရက်နေ့ ကတည်းက မြန်မာနိုင်ငံ ဘောလုံး အဖွဲ့ချုပ် လေ့ကျင့်ရေး အဆောင်သို့ စေလွှတ်ခဲ့ရပြီး ကစားသမား အစုံအလင် ပါဝင်သော လေ့ကျင့်ရေး အစီအစဉ်ကို သြဂုတ်လ (၁၆)ရက်နေ့ ညနေပိုင်းတွင် ရန်ကုန် အသင်း ပြန်လည် ပြုလုပ်နိုင်ခဲ့သည်။ ရန်ကုန် - ရက္ခပူရ ထိပ်တိုက် တွေ့ဆုံမှု ရလဒ်များ… ၂၀၁၁ နေရှင်နယ်လိဂ် ရက္ခပူရ (၀-၂) ရန်ကုန် ရန်ကုန် (၄-၀) ရက္ခပူရ ၂၀၁၂ နေရှင်နယ်လိဂ် ရန်ကုန် (၅-၀) ရက္ခပူရ | ||
www.ygnutd.com
No comments:
Post a Comment