ရန်ကုန် စစ်သည်တော်များဟု အမည် ပေးထားသည့် အဆိုပါ အဖွဲ့သည့် ပရဟိတ ဂေဟာ အတွက် လိုအပ်သည့် ဆန်၊ ဆီ၊ ဟင်းချက် ပစ္စည်းများနှင့် စားသောက် ဖွယ်ရာများ အပြင် အ၀တ်အထည်များ (တန်ဖိုးငွေကျပ် ၄ သိန်းခန့်) ကိုလည်း လှူဒါန်းခဲ့သည်။
အဆိုပါ ပရဟိတ ဂေဟာသည် အနာကြီး ရောဂါသည်များကို ကူညီ စောင့်ရှောက် ပေးနေသည့် အပြင် ခိုကိုးရာမဲ့ မိဘမဲ့ ကလေးများကိုလည်း ပြုစု စောင့်ရှောက် ပေးလျှက်ရှိသည်။
သွားလာရ ခက်ခဲပြီး ဂေဟာတွင် လိုအပ်နေသည့် အရာများထဲမှ အစိတ်အပိုင်း အချို့ကို လှူဒါန်း နိုင်ခဲ့သည့် အတွက် ၀မ်းသာကြောင်းနှင့် အဆိုပါ အလှူကို ရန်ကုန် ယူနိုက်တက် အသင်းအား ကိုယ်စားပြု၍ မိမိတို့ အဖွဲ့က လှူဒါန်းခဲ့ကြောင်း ရန်ကုန် စစ်သည်တော်များ အဖွဲ့၏ ခေါင်းဆောင် ကိုမဟာက ဆိုခဲ့သည်။
အနာကြီး ရောဂါသည် တွေဟာ လူမှု ပတ်ဝန်းကျင်မှာ မျက်နှာ ငယ်ရတဲ့ အတွက် အားငယ်မှုတွေ ရှိကြောင်း၊ အဲဒါကြောင့် မိမိတို့ အနေနဲ့ ဝေဒနာရှင် များနှင့် ရင်နှီး နွေးထွေးစွာ ဆက်ဆံခဲ့ကြောင်း၊ မိမိတုိ့ရဲ့ မိသားစု ပုံစံ ဆက်ဆံရေးကြောင့် အနာကြီး ရောဂါသည်တွေ ပျော်ရွှင်နေတာကို ကြည့်ပြီး လွန်စွာ ၀မ်းသာရပါကြောင်း အဆိုပါ အဖွဲ့ဝင် တစ်ဦးဖြစ်သော ကိုကောင်းမြတ်သူက ဆိုခဲ့သည်။
ရန်ကုန် စစ်သည်တော်များဟု အမည် ပေးထားသည့် ရန်ကုန်ဖန် အဖွဲ့သည့် ရန်ကုန် အသင်းအား အားပေးရန် အတွက် ၂၀၁၁ နိုဝင်ဘာလ အတွင်းတွင် စတင် ဖွဲ့စည်းခဲ့ပြီး www.ygnutdfans.com အမည်ဖြင့် ၎င်းတို့၏ ကိုယ်ပိုင် website ကိုလည်း တည်ထောင်ခဲ့သည်။
www.ygnutd.com
No comments:
Post a Comment